Անուշ Գրիգորյանը նվաճել է «Ստրանջա» գավաթի բրոնզե մեդալը՝ դառնալով Հայաստանի միակ մեդալակիրը

Հայ բռնցքամարտիկ Անուշ Գրիգորյանը (51 կգ քաշային կարգ) դարձել է 2026 թվականի «Ստրանջա» գավաթի բրոնզե մեդալակիր։ Մրցաշարը անցկացվում է Սոֆիայում։ Կիսաեզրափակչում Գրիգորյանը 2:3 հաշվով պարտվել է Բուլղարիան ներկայացնող Զլատիսլավա Չուկանովային։

Մինչ մեդալ նվաճելը Անուշը տարել է երկու վստահ հաղթանակ՝ առավելության հասնելով Իտալիան և Սերբիան ներկայացնող մրցակիցների նկատմամբ։ Այսպիսով, նա ապահովել է իր տեղը պատվո հարթակում և դարձել Հայաստանի հավաքականի միակ ներկայացուցիչը, ով կարողացել է մրցանակ նվաճել այս հեղինակավոր միջազգային մրցաշարում։

Ընդհանուր առմամբ, Հայաստանը Սոֆիայում ներկայացված էր 10 բռնցքամարտիկով՝ 2 կին և 8 տղամարդ։ Սակայն թիմի մեդալային հաշվեկշիռը համալրել է միայն Գրիգորյանը։

Հայաստանի հավաքականի կազմը

Տղամարդիկ

50 կգ — Ռուդոլֆ Գարբոյան
55 կգ — Ժիրայր Սարգսյան
60 կգ — Արթուր Բազեյան
65 կգ — Արթուր Սահակյան
70 կգ — Հարություն Հակոբկոխյան
75 կգ — Մարատ Միքայելյան
90 կգ — Նարեկ Մանասյան
+90 կգ — Դավիթ Չալոյան

Գլխավոր մարզիչ՝ Ռուդիկ Մկրտչյան

Կանայք

50 կգ — Անուշ Գրիգորյան
65 կգ — Էլիդա Քոչարյան

Գլխավոր մարզիչ՝ Վազգեն Բադալյան

«Ստրանջա» գավաթը ավանդաբար համարվում է բռնցքամարտի ամենահեղինակավոր միջազգային մրցաշարերից մեկը և ամեն տարի համախմբում է աշխարհի ուժեղագույն մարզիկներին։