Անդրեյ Մովսիսյանը վերադարձել է «Սպարտակ»

49-ամյա Հայաստանի հավաքականի նախկին ֆուտբոլիստ Անդրեյ Մովսիսյանը կրկին դարձել է «Սպարտակի» ընտանիքի անդամ․ նա նշանակվել է ակումբի փոխտնօրեն՝ Ռուսաստանի ուղղությամբ ընտրության և երիտասարդական ֆուտբոլի զարգացման գծով։

Մովսիսյանը «Սպարտակի» սան է։ 1990-ականների առաջին կեսին նա ավելի քան հարյուր խաղ է անցկացրել ակումբի երկրորդ թիմում։ Ֆուտբոլիստի կարիերան ավարտելուց հետո ավելի քան տասը տարի աշխատել է Մոսկվայի ԲԿՄԱ-ի համակարգում՝ որպես ընտրող և սպորտային տնօրեն։

Մովսիսյանը Հայաստանի հավաքականի կազմում անցկացրել է 18 խաղ և խփել 3 գոլ։ Նրա վերադարձը «Սպարտակ» կապում են ակումբի քաղաքականության հետ՝ ուղղված ռուսական ֆուտբոլում տաղանդավոր երիտասարդների որոնման և պատրաստման համակարգի ամրապնդմանը։