Ալեքսանդր Կովալենկոն կարող է ստանալ Հայաստանի սպորտային քաղաքացիություն
- Հեղինակ: Vahe Hakobyan
- Sportaran
«ՌԻԱ Նովոստի»-ի տեղեկություններով՝ «Սոչիի» կիսապաշտպան Ալեքսանդր Կովալենկոն կարող է ստանալ Հայաստանի սպորտային քաղաքացիություն։ 22-ամյա ֆուտբոլիստը բանակցություններ է վարում Հայաստանի ֆուտբոլի ֆեդերացիայի հետ՝ ազգային հավաքականում հանդես գալու հնարավորության շուրջ։
Ներկա մրցաշրջանում Կովալենկոն մասնակցել է 10 հանդիպման ՌՊԼ-ում և 4 խաղի՝ Ռուսաստանի գավաթում։ Կիսապաշտպանը ունի հայկական արմատներ․ մայրը հայ է, իսկ հայրը՝ կիսահայ։ Բացի այդ, նա խորհրդային հայտնի ֆուտբոլիստ Ալեքսանդր Կովալենկոյի թոռն է, որը 1973 թվականին դարձել է ԽՍՀՄ չեմպիոն Երևանի «Արարատի» կազմում։
Ավելի վաղ Կովալենկոն արդեն հրավիրվել էր Հայաստանի հավաքական, սակայն այն ժամանակ նախընտրեց խաղալ Ռուսաստանի համար՝ մասնակցելով ընկերական հանդիպման Ղրղզստանի դեմ։
Քննարկեք նորությունները!
Անցնել մեկնաբանություններին ↓
Comments
0