Ալբերտ Ալեքսանյանը գոլ է խփել Շվեդիայի Սուպերէթթանի իր դեբյուտային խաղում (ՏԵՍԱՆՅՈՒԹ)

19-ամյա հայ հարձակվող Ալբերտ Ալեքսանյանը արդյունավետ գործողությամբ աչքի ընկավ արդեն իր առաջին խաղում Շվեդիայի երկրորդ ուժեղագույն լիգայում՝ Superettan-ում։

Առաջին տուրի խաղում Ալեքսանյանը դուրս եկավ «Նորչեպինգի» մեկնարկային կազմում «Վերնամուի» դեմ խաղում։ Բարձրահասակ հարձակվողը հանդես էր գալիս աջ վինգերի դիրքում և օգնեց իր թիմին տանել խոշոր հաշվով հաղթանակ՝ 6:0։

Հանդիպման հաշիվը բացեց Էլիաս Յեմալը՝ Ալեքսանյանի հարվածից հետո։ Ավելի ուշ գոլ խփեց նաև հենց հայ հարձակվողը․ 45+2-րդ րոպեին նա գլխի հարվածով դարձրեց հաշիվը 4:0։

Ալեքսանյանի համար այս խաղը դարձավ Superettan-ի մակարդակում դեբյուտային, և նա անմիջապես աչքի ընկավ խփած գոլով։ Ավելի վաղ «Նորչեպինգի» կազմում նա նաև խփել էր 1 գոլ և կատարել 2 գոլային փոխանցում Շվեդիայի գավաթում։

Ֆուտբոլիստը շվեդական ակումբ է տեղափոխվել այս ձմռանը Նորվեգիայի երրորդ լիգայի թիմից, որտեղ անցկացրել էր արդյունավետ մրցաշրջան՝ խփելով 17 գոլ։

Տեսանյութ «Վերնամուի» դեմ խաղից՝